Здружението за заштита на културниот идентитет на Египќаните „ИЗИДА 41/21“ по повод неделата на Египќаните кој живеат во Македонија организира кампања под мотото „Еднакви можности за подобра иднина„.

На 27.06.2009 год во големата сала на општина Ресен се оддржа јавна дебата на тема „општествено економски статус на египќаните во Македонија“ На дебата присуствивање и градоначалникот на Општина Ресен Г-дин Михаил Волкановски.

Во рамки на проектот на Владата за изградба на 145 сали, на 21.06.2009 Министерот за образование и наука Перо Стојановски, присуствуваше на поставувањето на камен-темелник за изградба на спортска сала во средното општинско училиште Цар Самоил.

Општинската организација на Црвен крст на Ресен на 17.06.2009 год.(среда) од 10 до 13  часоторганизира  крводарителска акција.

Акцијата ќе се одржи во малата сала на Општина Ресен.

Ги повикуваме сите хумани граѓани да се вклучат во оваа крводарителска акција.

За секој дарител е обезбеден поклон!

Општинска организација на Црвен крст на Ресен.

Стопанската комора на Македонија, Унијата на Албанските комори,Трговско-индустриската комора на Трст и Општина Ресен на 01.06.2009 ги утврдија компонентите на проектот “Преспанскиот регион како инвестициона дестинација”. Утврдени компоненти на овој проект се: креирање на Преспа како регионален бренд, прекуграничен кластер за јаболко и категоризација на приватниот смештај на албанската страна на езерото. Проектот ќе биде поддржан и од агенциите за промоција на странски инвестиции во Македонија и Албанија, како и од Унијата на грчките комори.

На 03 Јуни 2009 година (среда) во Големата сала на Општина Ресен  со почеток во 14.00 часот ќе се оддржи Шестата Форумска Сесија во рамките на Програмата „Форуми во заедниците“ во Општина Ресен. На Шестата Форумска Сесија ќе се презентираат предлог проектите што граѓаните ги идентификуваа и ги подготвија во текот на досегашните форумски сесии.

На Форумската сесија ќе присуствува Градоначалникот на Општина Ресен г-дин Михаил  Волкановски и делегација од Швајцарската Агенција за развој и соработка, која е донатор на Програмата „Форуми во заедниците“.

Во вторникот на 26 мај 2009 година во рамките на проектот  „АКЦИЈА ЗА ЕВРОПА“ се одржа дебата во Ресен на тема придобивките за локалната самоуправа од европската интеграција.

Заинтересираната и активна публика овозможи особено интересна дебата на најразлични теми поврзани со Европската унија. На дебатата учествуваше  г-нот Михаил Волкановски, градоначалник на општина Ресен, аспецијален гостин   беше Н.Е. г-ѓата Александра Пападополу, амбасадор на Грција во Република Македонија.