Денес, во просториите на големата сала на Општина Ресен беше одржана претходнонајавената трибина по повод акцијата „Денот на Дрвото“ која ќе биде спроведена на 12 март 2008 година на која активно учество зедоа градоначалникот на Општина Ресен г-дин Димитар Бузлевски и членови од иницијативниот одбор на проектот.

Како дел од активностите за реализирање на акцијата е и планот за посета на дваесете градови, во чии подрачја ќе се извршува пошумувањето.

Во рамките на посетата на Ресен Иницијативниот одбор имаше средба со градоначалникот, претставници на Градскиот совет, локалните медиуми, образовни институции, претставници од поголемите рабонтни организации и граѓаните од Општина Ресен.

На средбата беше искажана безрезервната подршка која Општина Ресен ја дава на оваа акција, како и за значењето на овај проект.

По завршетокот на средбата во училишниот двор на основното училиште „Гоце Делчев“ беа засадени неколку садници со што на симболичен начин беше означен почетокот на акцијата во општината.